E-Commerce, Hand crafts, Hand Made

 

دستکاری اور ای کامرس ..

Hand Made / Hand Crafted / E-Commerce

پاکستان کا شاید ہی کوئی ایسا گھر ہوگا جہاں لوگ دستکاری نہ کرتے ہوں.

تقریباً ہر گھر میں مرد و خواتین کچھ نہ کچھ ہاتھ سے کام کرنے کا ہنر رکھتے ہیں.

سلائی کڑھائی، کھجور کے پتوں سے ٹوکریاں، چٹائیاں، مالا، ٹوپیاں، تصویریں، برتنوں پر نقش و نگار،نومولود بچوں کے گرم اونی ہاتھ سے بُنے ہوئےکپڑے، دستانے، ہاتھ سے بنے ہوئے جوتے،، کپڑے سے بنی ہوئی مختلف اشیاء،, جیسے سرہانے کے غلاف، ٹشو پیپر کے ڈبے کا غلاف، قرآن مجید کا غلاف، گھروں میں چھوٹی چھوٹی اشیاء رکھنے والے بیگ، مجسمے، اجرک، شال، سویٹر، جرسی،

غرض کوئی بھی ایسی چیز جو "دستکاری" کے زمرے میں آتی ہو لوگ بنانے میں ماہر ہیں، اور اگر کوئی نہیں بنا سکتا تو وہ کہیں سے سیکھ سکتا ہے یا پھر کسی دور دراز علاقے سے کچھ ثقافتی اشیاء جو خالص ہاتھ سے بنی ہوئی خرید تو سکتا ہے نا؟

جب ایسا سب کچھ ہر گھر میں میسر ہو تو کیوں نہ ان تمام چیزوں کو پوری دنیا میں فروخت کیا جائے؟

اور منہ مانگے دام وصول کیے جائیں؟

کوئی امپورٹ ایکسپورٹ کا لائیسنس لینے کی ضرورت بھی نہیں.

اور سامان امریکہ، یورپ، برطانیہ وغیرہ میں فروخت بھی کریں..

یہ ای کامرس ہے، اور آپ تھوڑی سی محنت کرکے، اس انڈسٹری میں بہت سارے کام گھر میں رہتے ہوئے بھی کرسکتے ہیں..

کیسے ہوگا یہ سب؟ کون کرے گا؟

یہ سب کچھ آپ کریں گے، آپ کے اہل خانہ کریں گے، گھریلو خواتین کریں گی، بالخصوص وہ خواتین جو گھر سے باہر قدم نہیں رکھ سکتیں، یہ ان کے لیے اپنی مصنوعات کو فروخت کرنے کا ایک منفرد پلیٹ فارم ہے..

اس کا نام ہے Etsy, اکثریت اس نام سے واقف ہوگی.

لیکن آپ نے Etsy کا نام نہیں سنا تو، یوٹیوب کیجیے، فیس بک پر گروپ جوائن کیجیے، گوگل کیجیے، ایسے لوگ تلاش کریں جو ای کامرس انڈسٹری میں ڈراپ شپنگ، ورچوئل اسسٹنٹ وغیرہ یا پورا ای کامرس سٹور چلا رہے ہوں، ان سے راہنمائی لیں اور اس کو شروع کریں..

اگر تو آپ ایک ایسے پاکستانی ہیں جو اخلاقی اصولوں پر لین دین کرنا فرض سمجھتے ہیں، دھوکا نہیں دیتے، دو نمبری نہیں کرتے، پاکستان کی بدنامی کا باعث نہیں بنتے اور نہ ہی بننا چاہتے ہیں تو یہ پلیٹ فارم آپ کے لیے ہے،

اس میں تھوڑی سی پیچیدگیاں ہیں لیکن پریشانی کی کوئی بات نہیں،

اگر تو آپ ڈیجٹل دنیا کے متعلق تھوڑی بہت جانکاری یا معلومات رکھتے ہیں، آن لائن شاپنگ کرتے ہیں یا اس کام سے واقفیت رکھتے ہیں تو ان کے لیے بےحد آسان ہے، باقیوں کے لیے تو اس کو تھوڑا سا سیکھنا اور وقت دینا ضروری ہے.

آپ کے پاس ایسی ہاتھ سے بنی مصنوعات ہے جو منفرد، پائیدار اور خالص آپ کا اپنا برانڈ ہے تو آپ بے شمار ڈالر کما سکتے ہیں، اگر نہیں تو آپ ارد گرد سے خرید کرنے کے بعد فروخت کرکے بھی معقول آمدنی حاصل کرسکتے ہیں،

اس وقت پاکستان سے ڈائریکٹ اس کا اکاؤنٹ بنانا مشکل ہے، چند پابندیاں ہیں جو جلد ختم ہونے کی امید ہے،

آپ کے پاس ایک عدد نیشنل ٹیکس نمبر ہونا ضروری ہے. جو بھی کام کریں لیگل اور قانون کے دائرے میں رہ کر کریں تاکہ کل کلاں کو رسیدیں دینے میں آسانی ہو..

ایک عدد بینک اکاؤنٹ

جاز کیش

اور چند دوسرے آن لاین پیمنٹ گیٹ وے کے اکاؤنٹ

،

اب آپ نے یہ کرنا یے کہ اپنا کوئی قریبی، عزیز رشتہ دار، امریکا، برطانیہ, کینیڈا وغیرہ کے ملک میں تلاش کرنا ہے اور اس کے ایڈریس پر اپنا اکاؤنٹ بنانا ہے،

اگر نہیں تو پاکستان سے ہی آپ کو تھوڑی سی فیس کے عوض ان ممالک کے نمبر، کمپنی اور اکاؤنٹ مل جائیں گے، جن سے آپ اپنا اکاؤنٹ آسانی سے بنا لیں گے،

چیزیں آپ پاکستان سے کوریئر سروس سے بھیجیں گے، اگر کوئی بڑا آئٹم ہے تو اس کے کسٹم والوں سے ایک سرٹیفکیٹ بنوانا پڑتا ہے، پیکنگ وغیرہ کے بعد آپ نے اپنا مال مطلوبہ کسٹمر کو بھیج دینا ہوتا ہے..

اس کی مکمل ٹریننگ آپ یوٹیوب، فیس بک گوگل سے حاصل کرسکتے ہیں، اور چند اس کے ایکسپرٹ بھی ہیں جو تھوڑی بہت فیس کے عوض اس پر کام کرنا اور اکاؤنٹ بنانا سکھا دیں گے،، اگر آپ سنجیدگی سے سیکھنا اور کاروبار کرنا چاہتے ہیں، اپنے وقت کو اور دوسروں کے وقت کو قیمتی سمجھتے ہیں تو میں آپ کو پاکستانی ایکسپرٹ سے ملوا سکتا ہوں جو آپ کو سکھائیں گے کہ، اکاؤنٹ کیسے بنانا ہے، کمپنی کیسے رجسٹرڈ کرنی ہے، اس آن لائن سٹور پر اپنی چیزیں مفت میں یا فیس کے عوض کیسے ڈسپلے/لسٹنگ کرنی ہیں،کسٹمر ڈیلنگ اور پیمنٹ کا پراسس، وغیرہ وغیرہ

توقیر بُھملہ

https://www.facebook.com/ToqeerBhumla