Business Tips, کاروبار کیسے کریں قسط نمبر 5

 

کاروباری پوسٹ نمبر 5

انٹرپرینورشپ سیریز

توقیر بُھملہ

آئیڈیا کو فلٹر کرنا / Filtration of Ideas

دوستو اگر آپ گزشتہ پوسٹوں کو پڑھ اور سمجھ رہے ہیں،

اور اگر آپ نے مارکیٹ ریسرچ اور مارکیٹ تجزیہ جو کاروبار میں ریڑھ کی ہڈی کی حیثیت رکھتا ہے اسے کر لیا ہے یا اسے کرنے کے متعلق سوچ رہے ہیں, یا کم از کم اسے سمجھ لیا ہے تو مبارکباد قبول کیجئے..

فرض کرتے ہیں کہ آپ نے اچھی طرح مارکیٹ ریسرچ کرلی وہاں سے چند آئیڈیاز مل گئے، ان میں سے ایک آئیڈیا ایسا ہے جو آپکی طبعیت اور سرمایہ کے مطابق ہے. اور آپ کو ذاتی طور پر پسند بھی ہے، آج اسی آئیڈیا کو مزید فلٹر کرنے کے متعلق جاننے کی کوشش کریں گے.

اپنے آئیڈیا کی (تطہیر) فلٹر یا مزید سوچ بچار کرنا اس کو چھاننی سے گزارنے کے لیے کیا کرنا ہوگا :اس کے لیے ہم ایک کیس اسٹڈی دیکھتے ہیں

ہم احمد (ایک فرضی نام) کی مثال لیتے ہیں

آئیے احمد کی کیس سٹڈی مثال سے ہم اپنے آئیڈیا کو مزید بہتر بنانے کی اہمیت اور ضرورت کے متعلق جانتے ہیں..

احمد کو کافی شاپس میں کام کرنے کا تجربہ ہے اور وہ خود اب ایک کافی شاپ کھولنا چاہتا ہے ۔اگر وہ ایسا کرتا ہے تو کسٹمر دوسری کافی شاپس کو چھوڑ کر احمد کے پاس کیوں آئیں گے؟

پچھلے چند ہفتوں سے ، احمد نے اس موجودہ اقدام کو مارکیٹ میں مزید تحقیق (مارکیٹ ریسرچ) کرنے کے لئے استعمال کیا ہے۔ اس نے دیکھا ہے کہ جہاں شہر کی دوسری کھانے پینے کی دوکانیں ہیں وہاں سے نزدیک پیدل چلنے کے فاصلے کے اندر کوئی لوکل کافی شاپ نہیں ہے۔ اس کی مارکیٹ کی تحقیق سے پتہ چلتا ہے کہ اس کے مقامی علاقے میں لوگ نزدیکی جگہوں پر پیدل چلنے کو ترجیح دیتے ہیں۔ پیدل چلنا ، قریب ترین کافی شاپ 30 منٹ کی واک کے فاصلے پر ہے۔ اس نے مقامی لوگوں سے کافی شاپ رکھنے کے بارے میں پوچھا ہے جو صرف 15 منٹ کی واک ڈسٹینس پر ہوگی۔ اس آئیڈیا کے بارے میں اسے بہت ساری مثبت رائے ملی ہیں ، بہت سے لوگوں نے ساتھ یہ بھی کہا ہے کہ وہ دوستوں کے ساتھ کوئی ایسی نزدیکی پرسکون جگہ پر کافی پینا چاہیں گے جہاں کچھ دیر بیٹھ کر گپ شپ بھی کرسکیں .

احمد نے اپنے ممکنہ کسٹمرز کے بارے میں مزید معلومات حاصل کرنے کے لئے آن لائن وسائل کا بھی استعمال کیا ہے۔ اس کی تحقیق سے پتہ چلتا ہے کہ نوجوان پیشہ ور افراد کی طرف سے کافی شاپس کی طلب اور استعمال میں اضافہ ہوتا جارہا ہے۔ اس نے مقامی لوگوں سے بات چیت کرکے ، اپنی کافی شاپ کے ساتھ کچھ مشہور قسم کے کھانے پینے کے آئٹمز کو رکھنے کے بارے میں بھی معلومات حاصل کیں ہیں.

وہ مقامی کالجوں میں بھی گیا اور نوجوانوں سے بھی رائے طلب کی جن کا کہنا تھا کہ انٹرنیٹ اور وائی فائی کی سہولت ہو تو چند طلباء وہاں کسی گوشے میں بیٹھ کر کافی کے ساتھ ساتھ لیپ ٹاپ پر اپنی اسائنمنٹ حل کرنے میں بھی دلچسپی رکھتے ہیں

مارکیٹ ریسرچ کے اس موجودہ مرحلے سے ، احمد نے اپنے خیال کو محض ایک کافی شاپ کھولنے سے لیکر وہاں لائٹ فوڈ آئٹمز ( کیک، پیسٹریز، کوکیز، وغیرہ) رکھنے تک اس بات کا تعین کرنے کے لئے اپنے آئیڈیا کو بہتر بنایا ہے کہ اس کے لوکل علاقے میں کافی شاپ کی ضرورت ہے جہاں زیادہ تر نوجوان طلباء اور پیشہ ور افراد اس کے گاہک ہوں گے ، جب اس کا ٹارگٹ کسٹمر نوجوان پیشہ ور افراد ہیں تو احمد نے اس لوکل جگہ اور وہاں کے افراد کی دلچسپی کو مدنظر رکھتے ہوئے کافی اور لائٹ فوڈ کی مختلف اقسام کو بھی سمجھنا شروع کر دیا ہے جو وہ اپنی دکان میں پیش کرے گا۔ اس نے انٹرنیٹ کو استعمال کرتے ہوئے دنیا بھر کی کافی شاپس کو غور سے دیکھا ہے، اسے پتا چلا ہے کہ کافی محض پیٹ بھرنے کا نام نہیں بلکہ ایک ثقافت اور کشش کا نام ہے، اس نے اپنی شاپ کو بھی ایک ثقافتی رنگ دینے، اپنی شاپ کے اندر ہی فریش کافی کے بیجوں کو گرائنڈ کرنے اور کسٹمر کے سامنے تازہ صاف ستھری کافی تیار کرنے کا بھی پلان بنا لیا ہے،

غور کریں، سوچیں :

احمد کے اپنے کاروباری آئیڈیا کو بہتر بنانے کے بارے میں اس پراگریس کو پڑھنے کے بعد ، کیا آپ سوچ کر بتا سکتے ہیں کہ وہ اپنی توجہ کو اور آئیڈیا کو مزید کس طرح بہتر اور مفید کرسکتا ہے؟ آپ کے نزدیک اور ایسی کیا وجوہات ہوسکتی ہیں جن پر مزید ریسرچ کرکے اس کو کافی شاپ کھولنے میں مدد مل سکتی ہے؟