Sudden Death of Family Head Create lot of Difficulties

ﻣﯿﮟ ﻧﮯ ﺍﭘﻨﮯ 12 ﺳﺎﻟﮧ ﺑﮍﮮ ﺑﯿﭩﮯ ﮐﻮ ﭘﺎﺱ ﺑﻼﯾﺎ ﺍﻭﺭ ﻧﮩﺎﯾﺖ ﮔﮭﻤﺒﯿﺮ ﺁﻭﺍﺯﻣﯿﮟ ﮐﮩﺎ ’’ ﺑﯿﭩﺎ ! ﺍﮔﺮ ﺗﻤﮩﺎﺭﮮ ﺑﺎﺑﺎ ﻧﮧ ﺭﮨﯿﮟ ﺗﻮ ﻭﻋﺪﮦ ﮐﺮﻭ ﮐﮧ ﺗﻢ ﺍﭘﻨﮯﭼﮭﻮﭨﮯ ﺑﮭﺎﺋﯽ ﺍﻭﺭ ﻣﺎﻣﺎﮐﺎ ﺧﯿﺎﻝ ﺭﮐﮭﻮ ﮔﮯ‘‘ ۔ﺍُﺱ ﻧﮯ ﺣﯿﺮﺕ ﺳﮯ ﻣﯿﺮﯼﻃﺮﻑ ﺩﯾﮑﮭﺎ ’’
ﺑﺎﺑﺎ ﺁﭖ ﮐﯿﻮﮞ ﻧﮩﯿﮟ ﺭﮨﯿﮟ ﮔﮯ؟ ‘‘ ﻣﯿﮟ ﻧﮯ ﺍﯾﮏ ﮔﮩﺮﺍ ﺳﺎﻧﺲ ﻟﯿﺎ ﺍﻭﺭ ﺳﻮﭼﺎ
ﮐﮧ ﺑﭽﮯ ﮐﻮ ﺑﺎﻟﮑﻞ ﺳﯿﺪﮬﯽ ﺑﺎﺕ ﻧﮩﯿﮟ ﺑﺘﺎﻧﯽ ﭼﺎﮨﯿﮯ ﻟﮩٰﺬﺍ ﻧﮩﺎﯾﺖ ﻃﺮﯾﻘﮯ ﺳﮯ ﺑﺎﺕ ﮐﻮ ﮔﮭﻤﺎ ﮐﺮ ﮐﮩﺎ ’’
ﺑﯿﭩﺎ ! ﻣﯿﺮﺍ ﻣﻄﻠﺐ ﯾﮧ ﮨﮯ ﮐﮧ ﺍﯾﮏ ﻧﮧ ﺍﯾﮏ ﺩﻥ ﺗﻮ ﺳﺐ ﻧﮯ ﺟﺎﻧﺎ ﮨﮯ، ﮨﻮﺳﮑﺘﺎ ﮨﮯ ﮐﻞ ﻣﯿﮟ ﭼﻼ ﺟﺎﺅﮞ ‘‘ ۔ ﻭﮦ ﺟﻠﺪﯼ ﺳﮯ ﺑﻮﻻ’’ ﺍﭼﮭﺎ ﺍﭼﮭﺎ ! ﺁﭖ ﻧﮯ ﻣﯿﭩﻨﮓ ﻣﯿﮟ ﺍﺳﻼﻡ ﺁﺑﺎﺩ ﺟﺎﻧﺎ ﮨﻮﮔﺎ؟ ‘‘ ۔
ﻣﯿﮟ ﻧﮯ ﺑﮯ ﺑﺴﯽ ﺳﮯ ﭼﮭﺖ ﮐﯽ ﻃﺮ ﻑ ﺩﯾﮑﮭﺎ، ﺑﭽﻮﮞ ﮐﻮ ﺳﻤﺠﮭﺎﻧﺎ ﻭﺍﻗﻌﯽ ﺑﮩﺖ ﻣﺸﮑﻞ ﮨﻮﺗﺎﮨﮯ،
ﺍﺏ ﮐﯽ ﺑﺎﺭ ﻣﯿﮟ ﻧﮯ ﺍﭘﻨﮯ ﺍﻟﻔﺎﻅ ﻣﯿﮟ ﻣﺰﯾﺪ ﺗﺒﺪﯾﻠﯽ ﮐﯽ ﺍﻭﺭ ﻧﮩﺎﯾﺖ ﺳﻨﺠﯿﺪﮔﯽ ﺳﮯ ﮐﮩﺎ ’’ ﺑﯿﭩﺎ ! ﻣﯿﺮﮮ ﮐﮩﻨﮯ ﮐﺎ ﻣﻄﻠﺐ ﮨﮯ ﮐﮧ ﮨﻮﺳﮑﺘﺎ ﮨﮯ ﻣﯿﮟ ﺍﺱ ﺩﻧﯿﺎ ﻣﯿﮟ ﮨﯽ ﻧﮧ ﺭﮨﻮﮞ ‘‘ ۔ ﯾﮧ ﺳﻨﺘﮯ ﮨﯽ ﻭﮦ ﺟﮭﭧ ﺳﮯ ﺑﻮﻻ’’ ﺍﭼﮭﺎ ﺍﭼﮭﺎ، ﯾﻌﻨﯽ ﺟﺐ ﺁﭖ ﻣﺮ ﺟﺎﺋﯿﮟ ﮔﮯ؟؟؟ ‘‘ ﯾﮧ ﺳﻨﺘﮯ ﮨﯽ ﻣﯿﺮﯼ ﭘﻮﺭﮮ ﺟﺴﻢ ﻣﯿﮟ ﺟﮭﺮﺟﮭﺮﯼ ﺳﯽ ﺩﻭﮌ ﮔﺌﯽ ، ﻣﯿﮟ ﻧﮯ ﺑﮯ ﺍﺧﺘﯿﺎﺭ ﺑﯿﮉ ﺳﮯ ﭼﮭﻼﻧﮓ ﻟﮕﺎﺋﯽ ﺍﻭﺭ ﭼﻼﯾﺎ ’’ ﺍﻟﻠﮧ ﻧﮧ ﮐﺮﮮ۔ ‘‘
ﮨﻢ ﺳﺐ ﻣﻮﺕ ﭘﺮ ﯾﻘﯿﻦ ﺭﮐﮭﺘﮯ ﮨﯿﮟ، ﻟﮓ ﺑﮭﮓ ﮨﺮ ﮔﮭﺮ ﻣﯿﮟ ﻣﯿﺎﮞ ﺑﯿﻮﯼ ﺍﭼﮭﮯ ﻣﻮﮈ ﻣﯿﮟ ﮨﻮﮞ ﺗﻮ ﯾﮧ ﺟﻤﻠﮧ ﺿﺮﻭﺭ ﮐﮩﺘﮯ ﮨﯿﮟ’’ ﺍﮔﺮ ﭘﮩﻠﮯ ﻣﺠﮭﮯ ﻣﻮﺕ ﺁﮔﺌﯽ ﺗﻮ؟؟؟ ‘‘ﺍﺱ ﮐﮯ ﺑﻌﺪ ﺩﻭﻧﻮﮞ ﻣﯿﮟ ﺳﮯ ﮐﻮﺋﯽ ﺍﯾﮏ ﺩﻭﺳﺮﮮ ﮐﮯ ﻣﻨﮧ ﭘﺮ ﮨﺎﺗھ ﺭﮐﮫ ﮐﺮﻓﻠﻤﯽ ﺍﻧﺪﺍﺯ ﻣﯿﮟ ﮐﮩﺘﺎ ﮨﮯ ’’ ﺍﻟﻠﮧ ﻧﮧ ﮐﺮﮮ۔۔۔ﮐﯿﻮﮞ ﺍﯾﺴﯽ ﻣﻨﺤﻮﺱ ﺑﺎﺗﯿﮟ ﻣﻨﮧ ﺳﮯ ﻧﮑﺎﻟﺘﮯ ﮨﯿﮟ ‘‘ ۔ ﺣﺎﻻﻧﮑﮧ ﯾﮩﯽ ’’ﻣﻨﺤﻮﺱ ﺑﺎﺗﯿﮟ‘‘ ﮈﺳﮑﺲ ﻧﮧ ﮐﺮﻧﺎ ﺑﻌﺾ ﺍﻭﻗﺎﺕ ﺑﻌﺪ ﻣﯿﮟ ’’ﻣﻨﺤﻮﺱ ﺣﺎﻻﺕ ‘‘ ﮐﺎ ﺑﺎﻋﺚ ﺑﻦ ﺟﺎﺗﺎ ﮨﮯ۔
ﻣﯿﮟ ﻧﮯ ﮐﺌﯽ ﻟﻮﮔﻮﮞ ﮐﻮ ﺩﯾﮑﮭﺎ ﮨﮯ ، ﺑﮩﺘﺮﯾﻦ ﺯﻧﺪﮔﯽ ﮔﺬﺍﺭﺗﮯ ﮨﯿﮟ، ﺭﻭﭘﮯ ﭘﯿﺴﮯ ﮐﯽ ﺑﮭﯽ ﮐﻤﯽ ﻧﮩﯿﮟ ﮨﻮﺗﯽ، ﺑﯿﻮﯼ ﺑﭽﻮﮞ ﮐﻮ ﺑﮭﯽ ﺑﮍﮮ ﺍﭼﮭﮯ ﻣﺎﺣﻮﻝ ﻣﯿﮟ ﺭﮐﮭﺎ ﮨﻮﺗﺎ ﮨﮯ، ﻟﯿﮑﻦ ﺟﻮﻧﮩﯽ ﮐﺴﯽ ﺣﺎﺩﺛﮯ ﮐﮯ ﻧﺘﯿﺠﮯ ﻣﯿﮟ ﺍﻥ ﮐﯽ ﻭﻓﺎﺕ ﮨﻮﺗﯽ ﮨﮯ ﮔﮭﺮ ﻭﺍﻟﮯ ﺑﺮﺑﺎﺩ ﮨﻮﺟﺎﺗﮯ ﮨﯿﮟ۔ ،ﮐﺴﯽ ﮐﻮ ﮐﭽﮫ ﭘﺘﺎ ﻧﮩﯿﮟ ﮨﻮﺗﺎ ﮐﮧ ﻭﻓﺎﺕ ﭘﺎﻧﮯ ﻭﺍﻟﮯ ﺳﺮﺑﺮﺍﮦ ﮐﮯ ﺍﮮ ﭨﯽ ﺍﯾﻢ ﮐﺎ ﮐﯿﺎ ﻧﻤﺒﺮ ﮨﮯ، ﮐﺲ ﮐﺲ ﺑﯿﻨﮏ ﻣﯿﮟ ﺍﮐﺎﺅﻧﭧ ﮨﮯ، ﮐﺲ ﺳﮯ ﭘﯿﺴﮯ ﻟﯿﻨﮯ ﮨﯿﮟ ﺍﻭﺭ ﮐﺲ ﮐﻮ ﺩﯾﻨﮯ ﮨﯿﮟ،ﮔﮭﺮ ﮐﯽ ﺭﺟﺴﭩﺮﯼ ﮐﮩﺎﮞ ﺭﮐﮭﯽ ﮨﮯ،
ﺳﯿﻮﻧﮓ ﺳﺮﭨﯿﻔﯿﮑﯿﭩﺲ ﮐﮩﺎﮞ ﮨﯿﮟ ﺍﻭﺭﺑﺰﻧﺲ ﮐﮯ ﺍﮨﻢ ﮐﺎﻏﺬﺍﺕ ﮐﺲ ﻻﮐﺮﻣﯿﮟ ﺭﮐﮭﮯ ﮨﻮﺋﮯ ﮨﯿﮟ۔ﻧﺘﯿﺠﺘﺎً ﺳﺐ ﮐﭽھ ﮨﻮﺗﮯ ﮨﻮﺋﮯ ﺑﮭﯽ ﻟﻮﺍﺣﻘﯿﻦ ﮐﮯ ﭘﺎﺱ ﮐﭽھ ﻧﮩﯿﮟ ﮨﻮﺗﺎ ﺍﻭﺭ ﺍﻧﮩﯿﮟ ﻣﺠﺒﻮﺭﺍً ﮐﺴﯽ ﺍﯾﺴﮯ ﻋﺎﻣﻞ ﮐﻮ ﮈﮬﻮﻧﮉﻧﺎ ﭘﮍﺗﺎ ﮨﮯ ﺟﻮ ’’ ﮐﺸﻒِ ﻗﺒﻮﺭ ‘‘ ﮐﺎ ﻣﺎﮨﺮ ﮨﻮ۔
ﺍﺻﻞ ﻣﯿﮟ ﺣﺎﻻﺕ ﮐﭽھ ﺍﯾﺴﮯ ﮨﻮﮔﺌﮯ ﮨﯿﮟ ﮐﮧ ﮐﻮﺋﯽ ﺑﮭﯽ ﮐﺴﯽ ﭘﺮ ﺍﻋﺘﺒﺎﺭﮐﺮﻧﮯ ﮐﻮ ﺗﯿﺎﺭ ﻧﮩﯿﮟ،
ﺑﺎﭖ ﮐﻮ ﯾﮧ ﮈﺭ ﮨﮯ ﮐﮧ ﺍﮔﺮ ﻣﯿﮟ ﻧﮯ ﺑﯿﭩﻮﮞ ﮐﻮ ﺍﭘﻨﯽ ﺟﺎﺋﯿﺪﺍﺩ ﺗﻘﺴﯿﻢ ﮐﺮ ﺩﯼ ﺗﻮ ﯾﮧ ﻣﯿﺮﯼ ﻗﺪﺭ ﮐﺮﻧﺎ ﭼﮭﻮﮌ ﺩﯾﮟ ﮔﮯ، ﺑﯿﭩﻮﮞ ﮐﻮ ﯾﮧ ﮈﺭ ﮨﮯ ﮐﮧ ﺑﺎﭖ ﮐﭽھ ﺑﺘﺎﺋﮯ ﺑﻐﯿﺮ ﻣﺮ ﮔﯿﺎ ﺗﻮﺍﻧﮩﯿﮟ ﺍﯾﮏ ﺍﯾﮏ ﭼﯿﺰ ﮐﮯ ﺣﺼﻮﻝ ﮐﮯ ﻟﯿﮯ ﻋﺪﺍﻟﺖ ﮐﮯ ﭼﮑﺮ ﮐﺎﭨﻨﺎ ﭘﮍﯾﮟ ﮔﮯ۔ ﺑﯿﻮﯼ ﮐﻮ ﯾﮧ ﮈﺭ ﮨﮯ ﮐﮧ ﭼﻮﻧﮑﮧ ﻭﮦ ﺑﯿﻨﮑﻨﮓ ﺳﺴﭩﻢ ﺳﮯ ﻧﺎﺑﻠﺪ ﮨﮯ ﻟﮩٰﺬﺍ ﺷﻮﮨﺮﮐﯽ ﻭﻓﺎﺕ ﮐﮯ ﺑﻌﺪ ﺍﺱ ﮐﯽ ﺍﻭﻻﺩ ﮐﻮﺋﯽ ﺑﮭﯽ ﮨﯿﻨﮑﯽ ﭘﮭﯿﻨﮑﯽ ﮐﺮ ﺳﮑﺘﯽ ﮨﮯ۔
ﯾﮧ ﺳﺎﺭﮮ ﻣﻌﺎﻣﻼﺕ ﺍﻧﺘﮩﺎﺋﯽ ﺁﺳﺎﻧﯽ ﺳﮯ ﺳﻠﺠھ ﺳﮑﺘﮯ ﮨﯿﮟ ﺍﮔﺮ ﮐﻢ ﺍﺯﮐﻢ ﻣﯿﺎﮞ ﺑﯿﻮﯼ ﮨﯽ ﺍﯾﮏ ﺩﻭﺳﺮﮮ ﭘﺮ ﺍﻋﺘﺒﺎﺭ ﮐﺮﺗﮯ ﮨﻮﺋﮯ ﻧﮧ ﺻﺮﻑ ﻣﻮﺕ ﮐﮯ ﺑﻌﺪ ﮐﮯ ﻣﻌﺎﻣﻼﺕ ﮈﺳﮑﺲ ﮐﺮﯾﮟ ﺑﻠﮑﮧ ﺍﯾﮏ ﺩﻭﺳﺮﮮ ﺳﮯ ﺿﺮﻭﺭﯼ ﻣﻌﻠﻮﻣﺎﺕ ﺑﮭﯽ ﺷﯿﺌﺮ ﮐﺮﯾﮟ۔
ﻣﯿﺮﮮ ﺍﯾﮏ ﺭﺷﺘﮧ ﺩﺍﺭ ﻧﮯ ﺑﮍﺍ ﺍﭼﮭﺎ ﮐﺎﻡ ﮐﯿﺎ، ﺍﻧﺘﮩﺎﺋﯽ ﺑﯿﻤﺎﺭ ﮨﻮﺋﮯ ﺗﻮ ﺍﭘﻨﮯ ﺑﯿﻨﮏ ﺍﮐﺎﺅﻧﭧ ﮐﺎ ﻧﻤﺒﺮ، ﺭﻗﻢ ﮐﯽ ﺗﻔﺼﯿﻞ، ﺍﮮ ﭨﯽ ﺍﯾﻢ ﮐﺎﺭﮈ ﻧﻤﺒﺮ، ﮐﺮﯾﮉﭦ ﮐﺎﺭﮈ ﻧﻤﺒﺮ ﻭﻏﯿﺮﮦ ﺳﺎﺭﯼ ﺗﻔﺼﯿﻼﺕ ﻟﮑﮫ ﮐﺮ ﺍﭘﻨﮯ ﺁﭖ ﮐﻮ ﺍﯼ ﻣﯿﻞ ﮐﺮﺩﯾﮟﺍﻭﺭ ﺍﯼ ﻣﯿﻞ ﮐﺎ User name ﺍﻭﺭ ﭘﺎﺱ ﻭﺭﮈ ﺍﯾﮏ ﭼﭧ ﭘﺮ ﻟﮑﮫ ﮐﺮ ﺑﯿﮕﻢ ﮐﻮ ﺩﮮ ﺩﯾﺎ۔ ﺑﯿﮕﻢ ﺻﺎﺣﺒﮧ ﻧﮯ ﺣﺴﺐ ﻣﻌﻤﻮﻝ ﯾﮧ ﭼﭧ ﺍﭘﻨﮯ ﮐﭙﮍﻭﮞ ﻭﺍﻟﮯ ﺳﻮﭦ ﮐﯿﺲ ﮐﮯ ﮐﻮﻧﮯ ﮐﮭﺪﺭﮮ ﻣﯿﮟ ﺭﮐھ ﺩﯼ۔
ﺷﻮﮨﺮ ﮐﯽ ﻭﻓﺎﺕ ﮐﮯ ﺩﻭ ﻣﺎﮦ ﺑﻌﺪ ﺟﺐ ﭘﯿﺴﻮﮞ ﮐﯽ ﺿﺮﻭﺭﺕ ﺩﺭﭘﯿﺶ ﮨﻮﺋﯽ ﺗﻮ ﺑﯿﮕﻢ ﺑﮭﻮﻝ ﮔﺌﯿﮟ ﮐﮧ ﺍﻧﮩﻮﮞ ﻧﮯ ﭼﭧ ﮐﮩﺎﮞ ﺭﮐﮭﯽ ﺗﮭﯽ۔ ﮨﺮ ﺟﮕﮧ ﭼﮭﺎﻥ ﻣﺎﺭﯼ ﻟﯿﮑﻦ ﺳﻮﭦ ﮐﯿﺲ ﮐﯽ ﻃﺮﻑ ﺩﮬﯿﺎﻥ ﻧﮩﯿﮟ ﮔﯿﺎ، ﺣﺎﻻﺕ ﺍﻧﺘﮩﺎﺋﯽ ﺧﺮﺍﺏ ﮨﻮﺗﮯ ﭼﻠﮯ ﮔﺌﮯ ﺍﻭﺭ ﺑﺎﻵﺧﺮ ﺗﯿﻦ ﺳﺎﻝ ﺑﻌﺪ ﺟﺐ
ﺍﻧﮩﯿﮟ ﺍﭼﺎﻧﮏ ﺍﯾﮏ ﺩﻥ ﭼﭧ ﻣﻠﯽ ﺗﻮ ﺑﮍﯼ ﺧﻮﺵ ﮨﻮﺋﯿﮟ ﮐﮧ ﻣﺼﯿﺒﺘﻮﮞ ﮐﺎ ﺩﻭﺭ ﺧﺘﻢ ﮨﻮﺍ۔۔۔ﻟﯿﮑﻦ ﺗﺐ ﺗﮏ ﺷﻮﮨﺮ ﮐﺎ ﺍﯼ ﻣﯿﻞ ﺍﮐﺎﺅﻧﭧ ﺑﻼﮎ ﮨﻮﭼﮑﺎ ﺗﮭﺎ۔
ﮐﻮﺋﯽ ﺷﮏ ﻧﮩﯿﮟ ﮐﮧ ﮨﻢ ﺳﺐ ﺍﭘﻨﮯ ﺑﯿﻮﯼ ﺑﭽﻮﮞ ﮐﮯ ﻟﯿﮯ ﮐﻤﺎﺗﮯ ﮨﯿﮟ ﺍﻭﺭﺍﭘﻨﮯ ﺑﻌﺪ ﺑﮭﯽ ﺍﻧﮩﯿﮟ ﺧﻮﺷﺤﺎﻝ ﺩﯾﮑﮭﻨﺎ ﭼﺎﮨﺘﮯ ﮨﯿﮟ۔ ﻟﯿﮑﻦ ﭘﺘﺎ ﻧﮩﯿﮟ ﻣﻮﺕ ﮐﯽ ﺑﺎﺕ ﮐﺮﻧﺎ ﮔﮭﺮ ﻣﯿﮟ ﻧﺤﻮﺳﺖ ﮐﯽ ﻋﻼﻣﺖ ﮐﯿﻮﮞ ﺳﻤﺠﮭﺎ ﺟﺎﺗﺎ ﮨﮯ؟ ﻋﺠﯿﺐ ﻣﻨﻄﻖ ﮨﮯ، ﯾﻌﻨﯽ ﻣﻮﺕ ﺑﺮﺣﻖ ﺑﮭﯽ ﮨﮯ ﺍﻭﺭ ﻣﻨﺤﻮﺱ ﺑﮭﯽ۔
ﺍﺳﯽ ﺭﻭﯾﮯ ﻧﮯ ﮨﻤﺎﺭﮮ ﺑﮯ ﺷﻤﺎﺭﮐﺎﻣﻮﮞ ﻣﯿﮟ ﺑﮕﺎﮌ ﭘﯿﺪﺍ ﮐﺮ ﺩﯾﺎ ﮨﮯ۔ ﭘﺘﺎ ﻧﮩﯿﮟ ﮐﯿﻮﮞ ﺑﻄﻮﺭ ﺍﯾﮏ ﺑﺎﭖ، ﺍﯾﮏ ﺷﻮﮨﺮ، ﮨﻤﯿﮟ ﯾﻘﯿﻦ ﮨﻮﺗﺎ ﮨﮯ ﮐﮧ ﭼﻮﻧﮑﮧ ﮨﻢ ﮔﮭﺮ مﯿﮟ ﺳﺐ ﺳﮯ ﺑﮍﮮ ﮨﯿﮟ ﻟﮩٰﺬﺍ ﮨﻢ ﺳﺐ ﺳﮯ ﺁﺧﺮ ﻣﯿﮟ ﻭﻓﺎﺕ ﭘﺎﺋﯿﮟ ﮔﮯ ﺣﺎﻻﻧﮑﮧ ﺍﮐﺜﺮ ﻣﻌﺎﻣﻠﮧ ﺍﻟﭧ ﭼﻞ ﺭﮨﺎ ﮨﻮﺗﺎﮨﮯ۔ﻣﯿﮟ ﻧﮯ ﮐﺌﯽ ﺍﯾﺴﮯ ﻟﻮﮒ ﺑﮭﯽ ﺩﯾﮑﮭﮯ ﮨﯿﮟ ﺟﻨﮩﯿﮟ ﻣﺮﺗﮯ ﺩﻡ ﺗﮏ ﯾﮧ ﺗﻮﻓﯿﻖ ﻧﮩﯿﮟ ﮨﻮﺗﯽ ﮐﮧ ﺍﭘﻨﯽ ﺯﻧﺪﮔﯽ ﻣﯿﮟ ﺍﭘﻨﮯ ﻟﻮﺍﺣﻘﯿﻦ ﮐﻮ ﺧﻮﺷﯿﺎﮞ ﺩﮮ ﺟﺎﺋﯿﮟ، ﯾﮧ ﺧﻮﺩ ﺑﮭﯽ ﻣﺮﺗﮯ ﮨﯿﮟ ﺍﻭﺭ ﺍﭘﻨﮯ ﺳﺎﺗﮫ ﺍﭘﻨﮯ ﺗﻤﺎﻡ ﺍﮐﺎﺅﻧﭩﺲ ﺑﮭﯽ ﺩﻓﻦ ﮐﺮ ﺟﺎﺗﮯ ﮨﯿﮟ۔
ﻣﯿﺮﺍ ﺍﯾﮏ ﺳﯿﻨﺌﺮ ﺑﯿﻨﮏ ﺁﻓﯿﺴﺮ ﺩﻭﺳﺖ ﺑﺘﺎ ﺭﮨﺎ ﺗﮭﺎ ﮐﮧ ﺍﻥ ﮐﮯ ﺑﯿﻨﮏ ﻣﯿﮟ ﺳﯿﻨﮑﮍﻭﮞ ﺍﯾﺴﮯ ﺍﮐﺎﺅﻧﭩﺲ ﺍﻭﺭ ﻻﮐﺮﺯﻣﻮﺟﻮﺩ ﮨﯿﮟ ﺟﻦ ﮐﺎ ﮐﻮﺋﯽ ﻭﺍﻟﯽ ﻭﺍﺭﺙ ﻧﮩﯿﮟ، ﺍﮐﺎﺅﻧﭧ ﮨﻮﻟﮉﺭ ﺯﮐﯽ ﻣﻮﺕ ﮨﻮﭼﮑﯽ ﮨﮯ ﺍﻭﺭ ﺑﻌﺪ ﻣﯿﮟ ﮐﺴﯽ ﮐﮯ ﻓﺮﺷﺘﻮﮞ ﮐﻮ ﺑﮭﯽ ﺧﺒﺮ ﻧﮩﯿﮟ ﮐﮧ ﻓﻼﮞ ﺑﯿﻨﮏ ﻣﯿﮟ ﺍﻥ ﮐﮯ ﺑﺎﭖ ﯾﺎ ﺷﻮﮨﺮ ﮐﺎ ﺍﮐﺎﺅﻧﭧ ﺗﮭﺎ۔
ﺑﮩﺖ ﺳﮯ ﺍﯾﺴﮯ ﻟﻮﮒ ﮨﯿﮟ ﺟﻨﮩﻮﮞ ﻧﮯ ﺑﯿﻮﯼ ﺑﭽﻮﮞ ﮐﯽ ﺑﮩﺘﺮﯼ ﮐﮯ ﻟﯿﮯﮐﻮﺋﯽ ﺧﻔﯿﮧ ﺍﮐﺎﺅﻧﭧ ﮐﮭﻮﻻ ﺍﻭﺭ ﮐﺴﯽ ﮐﻮ ﺑﺘﺎﺋﮯ ﺑﻐﯿﺮ ﻭﮨﺎﮞ ﭘﯿﺴﮯ ﺟﻤﻊ ﮐﺮﺍﺗﮯ ﺭﮨﮯ،ﺍﯾﮏ ﺩﻥ ﻣﻮﺕ ﻧﮯ ﺁ ﻥ ﮔﮭﯿﺮﺍ ﺍﻭﺭ ﻗﺒﺮ ﻣﯿﮟ ﺟﺎ ﺳﻮﺋﮯ۔۔۔ﺍﯾﺴﮯ ﻟﻮﮔﻮﮞ ﮐﮯ ﻟﻮﺍﺣﻘﯿﻦ ﮐﻮ ﭼﻮﻧﮑﮧ ﮐﭽھ ﭘﺘﺎ ﻧﮩﯿﮟ ﮨﻮﺗﺎ ﮐﮧ ﺍﻥ ﮐﺎ ﺑﺎﭖ ﺍﻥ ﮐﮯ ﺑﮩﺘﺮﻣﺴﺘﻘﺒﻞ ﮐﮯ ﻟﯿﮯ ﮐﯿﺎ ﺑﭽﺖ ﮐﺮﺗﺎ ﺭﮨﺎ ﮨﮯ ﻟﮩٰﺬﺍ ﯾﮧ ﺳﺎﺭﯼ ﺯﻧﺪﮔﯽ ﺁﮨﯿﮟ ﺑﮭﺮﺗﮯﺭﮨﺘﮯ ﮨﯿﮟ ﮐﮧ ﮨﻤﺎﺭﮮ ﺑﺎﭖ ﻧﮯ ﮨﻤﺎﺭﮮ ﻟﯿﮯ ﮐﭽھ ﻧﮩﯿﮟ ﮐﯿﺎ۔ﺳﭻ ﮨﯽ ﮐﮩﺘﮯ ﮨﯿﮟ۔۔۔ ﮐﯿﺎ
ﻓﺎﺋﺪﮦ ﺍﯾﺴﯽ ﺑﭽﺖ ﮐﺎ ﺟﻮ ﻧﮧ ﺍﭘﻨﮯ ﮐﺎﻡ ﺁﺳﮑﯽ ﻧﮧ ﺑﯿﻮﯼ ﺑﭽﻮﮞ ﮐﮯ۔
ﭘﺮﺍﻧﮯ ﻭﻗﺘﻮﮞ ﻣﯿﮟ ﻟﻮﮒ ﮈﺍﺋﺮﯾﺎﮞ ﻟﮑﮭﺎ ﮐﺮﺗﮯ ﺗﮭﮯ، ﺍﻥ ﮐﯽ ﻭﻓﺎﺕ ﮐﮯ ﺑﻌﺪ ﮈﺍﺋﺮﯾﺎﮞ ﮐﮭﻮﻟﯽ ﺟﺎﺗﯽ ﺗﮭﯿﮟ ﺍﻭﺭ ﺑﮩﺖ ﺳﺎﺭﮮ ﻣﻌﺎﻣﻼﺕ ﮐﺎ ﭘﺘﺎ ﭼﻞ ﺟﺎﯾﺎ ﮐﺮﺗﺎ ﺗﮭﺎ، ﺁﺝ ﮐﻞ ﺍﯼ ﻣﯿﻞ ﺁﮔﺌﯽ ﮨﮯ ﺍﻭﺭ ﺍﺱ ﮐﺎ ﭘﺎﺱ ﻭﺭﮈ ﺻﺮﻑ ﺳﻮﺍﺋﮯ ﺗﺎﺯﮦ ﺗﺎﺯﮦ ﻣﺤﺒﺖ ﻣﯿﮟ ﮔﺮﻓﺘﺎﺭ ﮨﻮﺋﮯ ﭘﺮﯾﻤﯽ ﺟﻮﮌﻭﮞ ﮐﮯ ﻋﻼﻭﮦ ﮐﻮﺋﯽ ﺁﭘﺲ ﻣﯿﮟ ﺷﯿﺌﺮﻧﮩﯿﮟ ﮐﺮﺗﺎ۔
ﮐﯿﺎ ﮨﯽ ﺍﭼﮭﺎ ﮨﻮ ﺍﮔﺮ ﮨﻢ ﺍﭘﻨﮯ ﻣﺎﻟﯽ ﻣﻌﺎﻣﻼﺕ ﮐﯽ ﺗﻔﺼﯿﻼﺕ ﺍﭘﻨﮯ ﺑﭽﻮﮞ ﺍﻭﺭﺍﭘﻨﯽ ﺷﺮﯾﮏ ﺣﯿﺎﺕ ﺳﮯ ﺷﯿﺌﺮ ﮐﺮﺗﮯ ﺭﮨﯿﮟ، ﺍﻧﮩﯿﮟ ﺑﺘﺎﺋﯿﮟ ﮐﮧ ﮐﺴﯽ ﺑﮭﯽ ﻧﺎﮔﮩﺎﻧﯽ ﺻﻮﺭﺕ ﻣﯿﮟ ﺍﻧﮩﯿﮟ ﮐﯿﺎ ﮐﺮﻧﺎ ﭼﺎﮨﯿﮯ،ﺑﯿﻤﺎﺭﯼ ﮐﯽ ﺣﺎﻟﺖ ﻣﯿﮟ ﺍﻧﮩﯿﮟ ﮐﭽھ ﭼﯿﮑﺲ ﺳﺎﺋﻦ ﮐﺮﮐﮯ ﺩﮮ ﺩﯾﮟ،
ﺁﺝ ﮐﻞ ﺗﻮﻟﮓ ﺑﮭﮓ ﺗﻤﺎﻡ ﺑﯿﻨﮏ ﺭﻗﻢ ﮐﯽ ﺍﺩﺍﺋﯿﮕﯽ ﭘﺮ ﻣﺘﻌﻠﻘﮧ ﺍﮐﺎﺅﻧﭧ ﮨﻮﻟﮉﺭ ﮐﮯ ﻣﻮﺑﺎﺋﻞ ﭘﺮ ﺍﯾﺲ ﺍﯾﻢ ﺍﯾﺲ ﺑﮭﯿﺞ ﺩﯾﺘﮯ ﮨﯿﮟ ﻟﮩٰﺬﺍ ﮐﻢ ﺍﺯ ﮐﻢ ﮨﻤﺎﺭﯼﺯﻧﺪﮔﯽ ﻣﯿﮟ ﺍﮔﺮ ﮐﻮﺋﯽ ﭼﯿﮏ ﮨﻢ ﺳﮯ ﭘﻮﭼﮭﮯ ﺑﻐﯿﺮ ﮐﯿﺶ ﮨﻮﮔﺎ ﺗﻮ ﮐﻢ ﺍﺯﮐﻢ ﮨﻤﯿﮟ ﺍﻃﻼﻉ ﺿﺮﻭﺭ ﻣﻞ ﺟﺎﺋﮯ ﮔﯽ۔
ﺍﻭﺭ ﮐﭽھ ﻧﮩﯿﮟ ﺗﻮ ﺍﭘﻨﺎ ﺍﻭﺭ ﺍﭘﻨﯽ ﺷﺮﯾﮏ ﺣﯿﺎﺕ ﮐﺎ ﻣﺸﺘﺮﮐﮧ ﺑﯿﻨﮏ ﺍﮐﺎﺅﻧﭧ ﮨﯽ ﮐﮭﻠﻮﺍ ﻟﯿﮟ ﺗﺎﮐﮧ ﮐﺴﯽ ﺍﯾﮏ ﮐﮯ ﻧﮧ ﮨﻮﻧﮯ ﮐﯽ ﺻﻮﺭﺕ ﻣﯿﮟ ﺩﻭﺳﺮﺍ ﺗﻮ ﭘﯿﺴﮯ ﻧﮑﻠﻮﺍ ﺳﮑﮯ۔ﺍﮔﺮ ﮨﻢ ﺍﭘﻨﯽ ﺍﻭﻻﺩ ﮐﮯ ﺧﯿﺮ ﺧﻮﺍﮦ ﮨﯿﮟ ﺗﻮ ﮨﻤﯿﮟ ﻣﻮﺕ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﻨﯽ ﮨﻮﮞ ﮔﯽ، ﺍﭘﻨﮯ ﭼﺎﮨﻨﮯ ﻭﺍﻟﻮﮞ ﺳﮯ ﮈﺳﮑﺲ ﮐﺮﻧﺎ ﮨﻮﮔﺎ ﮐﮧ ﮨﻢ ﺍﻥ ﮐﮯ ﻟﯿﮯ ﮐﯿﺎ ﮐﭽﮫ ﮐﺮ ﺭﮨﮯ ﮨﯿﮟ ﺍﻭﺭ ﯾﮧ ﺳﺐ ﮐﮩﺎﮞ ﻣﺤﻔﻮﻅ ﮨﮯ۔ﮨﻮﺳﮑﺘﺎ ﮨﮯ۔
ﮐﭽھ ﻟﻮﮔﻮﮞ ﮐﺎ ﯾﮧ ﺗﺠﺮﺑﮧ ﺑﺮﺍ ﺭﮨﺎ ﮨﻮ، ﻟﯿﮑﻦ ﺍﭘﻨﮯ ﺩﻝ ﺳﮯ ﺑﺘﺎﺋﯿﮯ ﮔﺎ، ﮐﯿﺎ ﮨﻢ ﺟﻮ ﮐﭽھ ﺑﮭﯽ ﮐﺮﺗﮯ ﮨﯿﮟ ﺍﭘﻨﯽ ﺍﻭﻻﺩ ﮐﮯ ﻟﯿﮯ ﻧﮩﯿﮟ ﮐﺮﺗﮯ؟؟؟ ﺍﮔﺮ ﺟﻮﺍﺏ ﮨﺎﮞ ﻣﯿﮟ ﮨﮯ ﺗﻮ ﭘﮭﺮﺁﺋﯿﮯ ﺟﻦ ﺳﮯ ﮨﻢ ﻣﺤﺒﺖ ﮐﺮﺗﮯ ﮨﯿﮟ ﺍﻥ ﮐﮯ ﻟﯿﮯ ﺍﭘﻨﮯ ﺑﻌﺪ ﮐﯽ ﺯﻧﺪﮔﯽ ﺁﺳﺎﻥ ﺑﻨﺎﺋﯿﮟ ﺗﺎﮐﮧ ﮨﻤﺎﺭﯼ ﺭﻭﺣﯿﮟ ﺑﮯ ﭼﯿﻦ ﻧﮧ ﮨﻮﮞ۔
گل نو خیز اختر