حاسد کے سر سے اللہ اپنا ہاتھ اٹھا لیتا ہے۔
اللہ حاسد کا پردہ کبھی نہیں رکھتا حاسد کا حسد ظاہر ہو جاتا ہے۔
آپ نوٹ کر کے دیکھ لیں حاسد کے چہرے پہ حسد رقم ہوتا ہے۔
اس کو پڑھنے کے لیے فیس ریڈنگ کا ماہر ہونے کی ضرورت نہیں ہوتی۔
حاسد کا چہرہ ہمیشہ بجھا ہوا ہوتا ہے ایک کلونس ایک نحوست ہمیشہ طاری رہتی ہے۔
رنگت کتنی بھی سفید ہو چہرہ کبھی روشن نہیں ھوگا بلکہ ایک سیاہی ہوگی۔
حاسد کبھی آنکھ ملا کے بات نہیں کرئے گا نظریں چرائے گا.
حاسد کی شخصیت میں اضطراب ہو گا یہ ٹک کے ایک جگہ نا بیٹھ سکتا ہے نا کھڑا ہو سکتا ہے نہ ایک جگہ قیام کر سکتا ہے اس کی شخصیت میں بے چینی ہو گی۔ یہ کھڑا ہوا بھی ہلتا رہے گا بیٹھا ہوا بھی پہلو بدلتا رہے گا۔
حاسد کبھی تنہائی پسند نہیں ہوتا تنہائی اس کو کاٹتی ہے یہ در در پھرتا ہے۔
حاسد دہری آگ میں جلتا ہے اور حاسد بے ہدایت ہوتا ہے۔
اپنے آپ کو حسد سے بچائیں یہ نہیں کہ ہمیں کبھی بھی کسی کی کامیابی،خوبصورتی، خوش بختی متاثر نہیں کرتی جب بھی دل میں منفی خیالات آئیں شروع میں ہی اس عادت کو پختہ کریں کہ لوگوں کی کامیابی پہ انکو گلے لگا کے مبارکباد دیں، تالی بجائیں، سلیوٹ کریں، تعریف کریں اوردعا دیں۔
یقین مانیں دعا اتنی بڑی طاقت ہے کہ جب ھم کسی کے لیے دعا کرتے ہیں تو ہمارے دل سے تمام منفیت جیسے دھل جاتی ہے اس کی طرف سے دل گداز ہوتا ہے نرم ہوتا ہے اور اپنے دل کو راحت اور خوشی ملتی ہے۔
بد دعا دینا دل کو سخت کرتا ہے دل میں منفیت کو خوراک ملتی ہے اور وہ پنپنے لگتی ہے۔ منفیت پھلتے پھولتے ہمارے دل کے سکون، اطمینان اور ہماری خوشیوں کو کھا جاتی ہے۔
ہمیں اپنے جذبات پہ پہلے دن سے بند باندھنے ہیں ورنہ منفیت ایسا ریلا ہے جو بہت جلد ہمیں بہا کے تباہی کے دہانے پی لے جاتا ہے اور ہمیں پتہ ہی نہیں چلتا۔
اپنے بچوں کو بچپن سے دعا دینا سیکھائیں۔
سڑک پہ جاتے کسی کی اچھی گاڑی دیکھیں یا کسی کا شاندار گھر تو با آواز بلند دعا کریں اللہ اسکو خوشیوں میں برتنا نصیب کر۔
کسی کا بچہ دیکھیں تو اس کے اچھے نصیب کی دعا کریں۔
کسی کی کامیابی کا سنیں تو مبارک باد دیں خوشی کا اظہار ریں۔
منفی خیال آ بھی جائیں تب بھی انہیں مثبت راستہ دکھلائیں۔
اللہ ہم سب کو حاسدوں سے ، ان کے شر سے اور خود کو حسد میں مبتلا ہونے سے اپنی امان میں رکھے۔
آمین ثم آمین یارب
جـͣوͥیͬــͥــͣرᷱیـᷧــᷯـــہ ســاجͩــͥـᷯــⷶــ᩺ــد
3 اگست 2022
نشر مکرر
13 جون 2023
No comments:
Post a Comment