Business or Employment what is the best

 

ملازمت کے ساتھ ہم نیا کاروبار کیسے کریں۔۔۔!!!

کیا آپ نیا کاروبار شروع کرنا چاہتے ہیں؟؟

(گزشتہ پوسٹیں اگر آپ نے نہیں پڑھیں تو۔۔۔۔ پڑھ لیجیے۔۔۔۔ بات سمجھنے میں آسانی ہوگی۔۔۔۔۔ )

اگر آپ سے کوئی سوال کرے کہ آپ جاب کرنا پسند کرتے ہیں یا اپنا خود کا کاروبار؟ تو آپ کا جواب کیا ہوگا؟ یقیناً کاروبار۔ کیوں کہ نوکری کرنے والا چند سالوں بعد بھی وہیں کا وہیں رہتا ہے جبکہ کاروبار شروع کرنے والا کامیابی کی سیڑھیاں چڑھتے ہوئے بہت زیادہ آمدن حاصل کرنا شروع کر دیتاہے۔

کاروباری افراد کہتے ہیں کہ نوکری میں کچھ نہیں رکھا، کاروبار کروجبکہ نوکری کرنے والے افرادکہتے ہیں کاروبار تو گھاٹے کا سودا ہے، کوئی پتہ نہیں کب آسمان پر جگمگانے والا ایک سودے میں ہی سڑک پر آجائے۔ کاروباری افراد ہر روز نیا کنواں کھودتے ہیں تاکہ اس دن کے پانی کا بندوبست ہو جبکہ نوکری کرو تو نری بے فکری ہے، پکی ماہانہ آمدنی لگ جاتی ہے۔

۔۔۔۔۔۔۔۔۔۔۔۔۔

بات دونوں کی ٹھیک ہے لیکن نوکری میں انسان نوکر بن کر رہ جاتا ہے خواہ کتنی ہی بڑی نوکری کیوں نہ ہو۔۔۔ اور نوکری ختم ہونے کے بعد حیران و پریشاں کہ اب کیا کروں گا۔۔۔۔؟؟؟ پھر اولاد کو بھی بوجھ لگنے لگتا ہے۔۔۔۔ اور خود کا وقت بھی نہیں گزرتا۔۔۔۔اور اس نوکری سے صرف وہ خود ہی کچھ کماسکتا ہے۔۔۔۔لیکن اولاد کے کسی کام کی نہیں۔۔۔۔

اور کاروبار اس کےبرعکس ہے۔ کاروبار کرنےوالا محنت ضرور کرتا ہے لیکن اگر ایمانداری کے ساتھ کام کرے تو اس کی یہ محنت رنگ لاتی ہے اور اس کے لیے ترقی کے دروازے کھلتےہیں۔۔۔۔ اس کے ساتھ ساتھ اس کی اولاد کا بھی مستقبل بنتا ہے۔۔۔

کیوں کہ انبیائے کرام نے بھی تجارت کرنے والے کو پسند فرمایاہے۔

ہماری اور ملکی ترقی کا پہیہ اب صرف نئے کاروبار اور نئے روزگار پیدا کرنے سے ہی چل سکتا ہے۔ جتنے بھی پرُانے کاروباری ہیں وہ اس بات سے مکمل اتفاق کرینگے کہ ایک بہترین کاروباری آئیڈیا کا ہونا کسی کاروبار کی کامیابی کی ضمانت نہیں ہوتا بلکہ اس کی مثال اس پہلے قدم کی طرح ہوتی ہے جو ایک بچہ لیتا ہے اور جس کے بعد وہ بہت چوٹوں، ٹکروں سے گزر کے کامیابی سے چلنا، دوڑنا وغیرہ سیکھ لیتا ہے۔ اسی طرح ایک نیا کاروباری بھی بہت مشکلات، کھٹن مراحل سے گزرتا ہے اور پھر بعد میں کہیں جاکر وہ کامیابی و کامرانی سے ہمکنار ہوتا ہے۔

موجودہ دور خود سے کاروبار شروع کرنےسے عبارت ہے کیوں کہ بڑھتی مہنگائی نے آمدن و اخراجات کے مابین بہت بڑا فاصلہ پیدا کردیا ہے۔ اگر انسان کی معاشی تاریخ کا جائزہ لیا جائے تو صدیوں سے انسان تجارت کو اہمیت دیتا آرہا ہے اور اسے پیشہ پیغمبری مانا گیا ہے کیونکہ جتنے بھی پیغمبر آئے، انہوں نے خود سے کاروبار کرنے کو اہمیت دی۔ اب سوال یہ پیدا ہوتا ہے کہ کاروبار کیسے کیا جائے؟ اس ضمن میں جن ضروری امور کو دھیان میں رکھنا لازمی ہے، وہ ذیل میں پیش کیے جارہے ہیں۔

منصوبہ بندی اور حکمت عملی

سب سے پہلے آپ کو اپنی طبیعت اور میلان کا جائزہ لینا ہے کہ کون سے کاروبار میں آپ دلچسپی رکھتے ہیں اور اس کاروبار کو کرنے کے لیے آپ کی صلاحیت اور قابلیت کیا ہے۔ اس فیصلے پر پہنچنے کے بعد یہ دیکھیں کہ آپ کے پاس کتنا سرمایہ ہے۔ سب سے پہلے تو ایسے کام سے آغاز کیجیے، جس میں کم از کم سرمائے سے زیادہ نفع حاصل کرنے کے امکانات روشن ہوتے ہوں۔

آج ہم نے ایک عنوان سوچا کہ۔۔۔۔

ملازمت کے ساتھ ساتھ ہم کاروبار کیسے شروع کر سکتے ہیں۔۔۔ کیونکہ ویلا تو کوئی بھی نہیں ہوتا۔۔۔۔ کوئی نہ کوئی کام ہر ایک کر رہا ہے۔۔۔۔ بندہ آپ کو قطعاً یہ نہیں کہے گا کہ پہلے والا کام۔۔۔۔ یا نوکری فوراً چھوڑدیں۔۔۔ اور نیا کام کریں۔۔۔ یہ سب سے بڑی بے وقوفی اور غلطی ہوگی۔۔۔ لگا لگایا کام کبھی بھی نہیں چھوڑنا چاہیے۔۔۔۔ اس عنوان میں نیا کام شروع کرنے والوں کو بھی بہت کچھ سیکھنے کو ملے گا۔۔۔۔ بس سمجھنے کی کوشش کریں۔۔۔

ملازمت کے ساتھ اپنے کاروبار کا آغاز کیسے کریں۔۔!!!

اپنا کاروبار سیٹ کرنا ملازمت کرنے سے زیادہ مشکل ہوتا ہے، لیکن یہ مشکل اور پریشانی تھوڑے وقت کی ہی ہوتی ہے۔۔۔ پھر آسانی ہی آسانی ہوتی ہے۔۔۔

غیر حقیقی باتوں سے خود کو دور رکھیے۔۔۔۔

اپنا کاروبار کرنے کی سوچ بہت ہی اعلیٰ ہے۔

آج کل بہت سے ملازمت پیشہ نوجوان ''اپنا کاروبار'' کرنے کی کوشش میں مصروف ہیں۔ ان کا بس نہیں چلتا کہ اپنی موجودہ جاب کو چھوڑ کر ''اپنے پیشن (passion) والا'' اپنا کاروبار شروع کرلیں۔

اسی وجہ سے جہاں ان کی اپنی مرضی چلے، خود ہی باس ہوں، جب دل کیا کام پر گئے، جب مرضی ہوئی گھر آگئے وغیرہ جیسے دل موہ لینے والے سپنے وہ روز دیکھتے ہیں۔ خواب دیکھنا بہت اچھا ہے۔۔۔ لیکن اس کے لیے محنت، حوصلہ،لگن اور کوشش چاہیے ہوتی ہے۔۔۔ مالک بننے کے پیچھے بہت سی تپسیا کار فرما ہوتی ہے۔۔۔

یقین مانیے دوستو اپنا کاروبار کرنے کی سوچ بہت ہی اعلیٰ ہے اگر اس کے ساتھ جڑی ہوئی غیر حقیقی باتیں شامل نہ ہوں تو۔ دراصل ایسی ذہنیت بنانے میں جہاں آج کل کے چند نام نہاد موٹیویشنل اسپیکرز کا ہاتھ ہے، وہیں ہمارے نوجوانوں کی اپنی کاہلی بھی ہے۔ جن کے نزدیک موجودہ جاب ایک فضول کام اور اپنے کسی کاروبار کا حصول فوری ممکن ہے۔ اور میرے حساب سے اسی سوچ کو ذرا پرکھنے اور بدلنے کی ضرورت ہے۔

تو جناب! وہ نوجوان جو اپنے کاروبار کا آغاز کرنا چاہتے ہیں ان کےلیے میرے اپنے مشاہدات، تجربات اور دوسرے لوگوں پر ریسرچ پر مبنی درج ذیل چند عملی مشورے حاضر خدمت ہیں۔ اگر دل مانے تو ان پر ضرور عمل کیجئے گا۔

1۔ آپ اس وقت جو بھی ملازمت کررہے ہیں اس کو بے کار یا وقت کا ضیاع مت سمجھیے۔ شکر کیجئے کہ آپ کسی روزگار پر موجود ہیں۔ کیونکہ موجودہ ملازمت سے حاصل کردہ تجربہ پوری زندگی آپ کے کام آنے والا ہے۔

2۔ اب اگر آپ کاروبار کا ارادہ رکھتے ہیں تو پہلے اپنی موجودہ جاب سے ملتا جلتا ہی کاروبار کرنے کا سوچیے، نہ کہ کسی بالکل نئے شعبے میں قسمت آزمائی کا۔ جیسے کسی اسکول میں کام کرتے ہیں تو اپنی اکیڈمی یا اسکول میں استعمال ہونے والی اشیا کا کاروبار۔ یا پھر موجودہ جاب میں استعمال ہونے والے دیگر کاموں کا۔ جیسے میرے اکثر بینکر دوست کوریئر کمپنی، اسٹیشنری، کمپیوٹر کے سائیڈ کاروبار کررہے ہیں۔مطلب اپنے ہی حلقہ کے لوگوں کی ضروریات کو مد نظر رکھ کر ان چیزوں کو سوچیں۔۔۔ 1 بندا اپنے ساتھ انگنت لوگوں کو انگیج رکھتا ہے۔۔۔ وہ آپ کے مزاج،شخصیت اور معاملات کو جانتا ہے۔۔۔ اگر آپ اسے راضی کر سکے تو پھر ان شاءاللہ کام چل نکلے گا۔۔۔۔

3۔ شروع میں پہلے سیکھنے کی غرض سے کسی کاروباری بندے کے ساتھ مل کر، سلیپنگ پارٹنر یا پارٹ ٹائم کے طور پر کاروبار میں حصہ لیجئے۔ یعنی سیکھیں۔۔۔ سیکھیں ۔۔۔۔ سیکھیں

فوری طور پر اپنی ملازمت کبھی مت چھوڑیئے، بلکہ موجودہ ملازمت کی نیٹ ورکنگ کو کاروبار کا آغاز کرنے میں استعمال میں لائیے۔

4۔ سیکھنے کے مراحل میں کبھی بھی زیادہ انویسٹمنٹ کے ساتھ داخل مت ہوں۔ سائیڈ پر رہ کر کاروباری اسرار و رموز کو دیکھئے اور سمجھیے۔ فوری اور زیادہ منافع کی لالچ میں نہ پڑیئے۔ صرف 10 فیصد سے شروع کریں۔۔۔۔ باقی سائیڈ پر رکھیں۔۔۔۔

5۔ ضرورت پڑنے پر اپنے نئے کاروبار میں اپنے ساتھ کسی بھائی، رشتے دار یا کسی ملازم کو اجرت پر رکھیں۔ اپنی ملازمت کی قربانی ابھی مت دیجئے۔آپ کی ڈیوٹی کے وقت میں وہ آپ کے کام کرے۔۔۔

اپنے اندر شکر گزاری کی کیفیت پیدا کریں اور خوشی محسوس کیجئے کہ ملازمت کے ساتھ آپ کوئی کاروبار بھی سیٹ کرنے جارہے ہیں۔ جس کو مستقبل قریب میں آپ مکمل طور پر اپنا سکیں گے۔

6۔ اپنی موجودہ ملازمت اور نئے کاروبار کے درمیان ایک توازن پیدا کیجئے۔ کاروبار میں کسی مسئلے کو ملازمت پر اثر انداز مت ہونے دیجئے۔ اپنے ذہن میں یہ بات رکھیے کہ آپ کاروبار کو سیکھنے کے مرحلے میں ہیں۔

7۔ جب آپ کا نیا کاروبار ترقی کرنے لگے اور آپ کو حقیقی طور پر لگے کہ اب کاروبار کو آپ کا مکمل وقت درکار ہے تب اچھے طریقے و رویہ سے موجودہ ملازمت کو خیر باد کہئے، نہ کہ افراتفری میں تعلقات کو بگاڑتے ہوئے۔

تو دوستو یہ کچھ ایسی بنیادی باتیں ہیں جن پر ملازمت کے ساتھ کاروبار شروع کرتے وقت دھیان دینا، آپ کو بہت فائدہ دے سکتا ہے۔ یاد رکھیے کہ اپنا کاروبار سیٹ کرنا ملازمت کرنے سے زیادہ مشکل ہوتا ہے۔ جب مرضی، جب دل کیا، خود اپنے باس وغیرہ جیسی غیر حقیقی باتوں سے خود کو دور رکھیے۔ اگر آپ سنجیدگی کے ساتھ، اپنی انا اور جذبات کو سائیڈ پر رکھتے اور صبر کرتے ہوئے موجودہ ملازمت کے ساتھ کاروبار کا آغاز کریں گے تو کچھ ہی سال میں مکمل کاروباری شخصیت بن سکتے ہیں۔

 Copied